Boluntaryo nga nagsungka si Former Senador Ramon “Bong” Revilla Jr kagab-i, Lunes, sa Philippine National Police Criminal Investigation and Detection Group (PNP-CIDG) sa Camp Crame.
Ini matapos nga gin-issue ang iya arrest warrant kahapon nga adlaw bangud sa malversation kag falsification of public documents angot sa maanomaliya nga P92.8-million nga flood control project sa Pandi, Bulacan.
Kaupod sang anay senador nga nagpadulong sa Philippine National Police Criminal Investigation and Detection Group (PNP-CIDG) ang iya asawa nga si Cavite Rep. Lani Mercado -Revilla.
Antes nagsungka, nag-live siya sa iya social media, kun sa diin ginpahayag sini nga daw kaangay nga wala siya sang due process rason nga madasig nga ginpagwa ang iya arrest warrant.
