Freelance Designer nagreklamo sa pulisya matapos nga ginaalegar ginapakamalaut sa social media

ROXAS CITY – Nagpablotter ang isa ka freelance designer matapos nga ginaalegar nga ginpakamalaut ini sa social media kag ginpahog nga kastiguhon sang isa ka persona sa Barangay Cagay, Roxas City.

Ginkilala ang tagreklamo nga si Charly Distor 43-anyos sang nasambit nga lugar.

Sandig sa ginpabalhag sang tagreklamo nga ginaalegar ginapakamalaut kag ginapakahuy-an ini sa social media kag ginapahog nga kastiguhon ni Joseph Tingson sang Urban Poor, Barangay Milibili, Roxas City.

Bangud diri, ginpakamaayo na lamang sang tagreklamo nga iparekor sa pulisya ang insidente.