-- ADVERTISEMENT --
Nakasulod sa quarterfinals sang FIBA 3×3 Asia Cup ang men’s kag women’s teams sang Gilas Pilipinas 3×3 matapos ang ila kampanya sa Singapore.
Ang men’s team nga ginabug-usan nina Jerrick Ahanmisi, Ralph Cu, Sean Alter kag Chris Koon, napirde anay kontra Mongolia, 19-21, apang nakabawi sa ila sunod nga duwa batok sa Chinese Taipei, 21-13, agud makasiguro sang pwesto sa quarterfinals. Sunod nila nga makontra amo ang South Korea.
Sa pihak nga bahin, ang women’s team nga ginabug-usan nina Cheska Apag, Afril Bernardino, Mikka Cacho kag Kacey dela Rosa nagdaog kontra Tonga, 19-10, antes napirde sang Australia, 10-21. Bisan sini, nakauswag gihapon sila sa quarterfinals kag makaharap ang Mongolia.
