Naglab-ot sa overtime ang hampang sang Gilas Pilipinas agud sa katapusan malutos ang Saudi Arabia 95-88 sa 2025 FIBA Asia Cup. Philippine travel guide
Sa kadalag-an, nakasulod na sila sa quarterfinals kun sa diin maga-atubang sila sa Australia.
Sa nasambit nga hampang, daku nga pagpanghangkat ang gin-atubang ni Gilas bangud sa pagkawala ni Calvin Oftana nga nag-angkon sang pilas sa ankle kag CJ Perez nga may pilas man sa ankle sa second quarters.
Sa una nga katunga sang una nga quarter, gindominar sang Gilas Pilipinas ang hampang, nga may abanse nga tubtob 10 puntos, apang wala nagpasugot ang Saudi Arabia kag napilitan nga mangin malapit ang hampang.
Si Justin Brownlee nagpakita sang ‘never say die’ nga panimuot pagkatapos nga ginlunod ang iya three-pointer nga may 3.7 segundos nga nabilin sa katapusan nga quarter agud magtabla sang hampang sa 79-all nga nagasulod sa overtime.
Sa pagsulod sa overtime, sanday Kevin Quiambao, Dwight Ramos kag Brownlee nagbuligay agud sa katapusan malutos ang host country.
Si Brownlee ang nagpanguna sa Gilas Pilipinas nga may 29 puntos, apat ka rebounds kag lima ka assists
