-- ADVERTISEMENT --
ROXAS CITY – Arestado ang ginakabig Most Wanted Person Top 9 sa Regional Level, matapos maserbihan sang warrant of arrest sa Barangay Tanque Roxas City.
Sa impormasyon nga nakuha sang Bombo Radyo nagikan sa Roxas City PNP, ginkilala ang nadakpan kay alyas “Johnny”, 36-anyos kag residente sang nasambit nga lugar.
Suno diri nga ang warrant of arrest ang gin-isyu kag ginpirmahan ni Hon. Faustino Valenzuela Roxas, Acting Presiding Judge, Regional Trial Court, Sixth Judicial Regional, Branch 18, Roxas City kag napetsahan Octobre 10, 2024.
Naglab-ot sa P200,000. 00 nga piyansa ang ginrekomendar sang korte para sa temporaryo sini nga kahilwayan.
Sa karun, nagapabilin ini sa karsel sang Roxas City PNP, para sa nagakaigo nga disposisyon.
-- ADVERTISEMENT --
