Arestado ang ginakabig Top 9 Most Wanted Person sa Municipal Level, matapos ginserbihan sang warrant of arrest sa Barangay Poblacion Proper, Mambusao, Capiz.
Ginkilala ang nadakpan kay alyas “Ron”, 18-anyos kag residente sang nasambit nga lugar.
Sa impormasyon nga nakuha sang Bombo Radyo nagikan sa Mambusao MPS, duha ka kaso ang ginapangatubang sang amo nga akusado nga paglapas sa RA 10591 ukon comprehensive firearms and ammunition regularization act kag Comelec resolution no. 10918 ukon Comelec Gun Ban
Ang warrant of arrest ang gin-isyu kag ginpirmahan ni Hon. Judge Judith Orendain Tonogbanua, Presiding Judge, RTC, 6th Judicial Region, Branch 20, Mambusao Capiz, napetsahan Enero, 18, 2024.
Samtang, ginrekomendar sang korte ang piyansa nga P10,000. 00 kada kaso para sa temporaryo sini nga kahilwayan.
Sa karun, nagapabilin ini sa karsel sang Mambusao MPS, para sa nagakaigo nga disposisyon.
