Suguran na sang Bureau of Immigration (BI), ang imbestigasyon sa impormasyon nga nakaguha sang pungsod ang self confessed hitman nga si Edgar Matobato.
Suno kay Immigration spokesperson Dana Sandoval, sa karun indi pa nila makumpirmar kung nakaguha na sa Pilipinas ang nasambit nga indibidwal.
Mahibaluan nga si Matobato, ang self-confessed hitman sang ginapahayag Davao Death Squad.
Base sa report, nagapabilin nga yara ini sa idalum sang protective custody sang International Criminal Court kag natalana nga magbulig sa imbestigasyon sang International body batuk sa ginapahayag madugo nga war on drugs sadtong nakaligad nga administrayon.
Matandaan una na nga ginbuyagyag ni Motabato nga kalakip siya sa mga nagapatigayon sang mga pagpatay nagikan sa sadto anay
alkalde sang Davao City nga si anay PRRD.
Sa pag-atubang sini sa Senate investigation, ginsiling ni Motabato nga responsable man sa pila ka serye sang pagpatay ang Presidential Anti-Organized Crime Task Force sa Davao.
