Dakop ang ginapahayag Wanted Person nga pumuluyo sang Barangay Mahunodhunod, Cuartero, Capiz sa Brgy Lumangbayan, Sta. Cruz, Occidental Mindoro.
Ginkilala ang nadakpan kay alyas “andi”, 41-anyos, mangunguma kag residente sang Barangay Casague, Sta Cruz, Occidental Mindoro.
Natigayon nga madakpan si alyas “andi”, pinaagi sa gintingub nga pwersa sang Cuartero Municipal Police Station, kag Sta. Cruz MPS, Occidental Mindoro.
Ang warrant of arrest ang gin-isyu kag ginpirmahan ni Hon. Alma Banias-Delfin, Acting Presiding Judge Branch 15, Hall of Justice Roxas City, 6th Judicial Region napetsahan Nobyembre 17, 2015.
Sa karun, natalana nga i-turned over sa court of origin ang nadakpan kag nagapabilin sa paghinakop sang Capiz Rehabilitation Center sa Brgy Lawaan,Roxas para sa nagakaigo nga disposisyon.
