-- ADVERTISEMENT --
Liwat nga ginganyat sang Armed Forces of the Philippines (AFP) ang publiko nga mangin sigurista sa mga nababasa sa social media.
Ini matapos naglapta ang isa ka post kung sa diin ginpahayag nga ginatos nga US Javelin missiles ang gindul-ong sa Pilipinas.
Suno sa AFP, indi ini matuod bangud ang mga litrato kuha pa sadtong Pebrero 2022.
Ang nasambit nga litrato nga gingamit kag ginpost ang nagikan sa isa ka separado kag lehitimo nga pagdul-ong sang mga Javelin Anti-Tank Missiles sa Ukraine.
Mahibaluan una na nga ginsiling sang AFP nga makakulugmat na ang paglapta sang fake news ilabi na sa mga social media platform kung sa diin tinutuyo sini nga waskon ang kumpiyansa sang publiko sa subong nga administrasyon.
-- ADVERTISEMENT --
