Ginebra player RJ Abarrientos, nakabaton sang pagpamahog matapos ang paglutos nila sa Bolts

Ginkabalak-an sa karon ni Barangay Ginebra player RJ Abarrientos matapos nga makabaton sang pagpamahog sa kabuhi sini.

Natabo ang insidente sa pagkalutos sang Ginebra batuk sa Meralco Bolts sang Game 2 best of three quarterfinals sang PBA Commissioner’s Cup sa score nga 108-104.

May yara pa kuntani sang tsansa nga mapatas sang Ginebra ang hampang apang wala napasulod ni Abarrientos ang four-point shots sini.

Bangud sa natabo, nagbubo ang pagpamahog sa iya kabuhi sa social media.

Ginhinyo sang 25-anyos nga basketbolista nga buligan ini nga i-mass report ang mga nagagamit sang dummy account.

Nakaalarma suno ang kasubong nga hitabo kun sa diin parte sang hampang ang pagka-piyerde.