Gobyerno, nahadlok sa mangin epekto sang La Niña sa produksyon sang pagkaon sa pungsod

Aminado ang Department of Agriculture (DA) nga nahadlok ang mga ini sa posible nga mangin epekto sang mabaskog nga bagyo kag La Niña sa produksyon sang pagkaon sa pungsod.

Ginpahayag ni Francisco Tiu Laurel Jr., nga sang nakaligad nga El Niño pa lamang, nagnubo na ang rice production sa una nga tunga ka tuig bangud sa sobra nga init.

May kwarta naman suno diri ang gobyerno agud magtanom kag nagalaum ini nga mabawi ang mga nadula, basta suno diri indi lang pag iguon sang mabaskog nga bagyo ang pungsod.

Kaanggid sini amo ang magapatuman sang emergency procurement ang ahensya para sa mga backhoe kag bulldozers nga ipalapta sa mga balahaon nga lugar.

Ini agud mabuhinan suno diri ang epekto sang mga pagbaha sa ulihi nga tion sang tuig.