ROXAS CITY- Preparado na ang pila ka katapo sang nagkalain-lain nga ahensya sang Gobyerno probinsyal sang Capiz sa nagahilapit nga Capiztahan 2024.
Sa interview sang Bombo Radyo kay Atty. Sheila Artillero, PDRRM Officer, ginpahayag nakahinun-anon na ang tanan nga ahensya sang gobyerno sa probinsiya sang capiz sa selebrasyon sang Capiztahan 2024.
Suno pa nga ang amo nga selebrasyon ang magasugod sa Abril 11 –tubtob Mayo 1, 2024.
Pahayag ni Artillero nga, ang Capiztahan 2024 ang daku nga preparasyon para sa ila bangud sadto pang nagligad nga tuig sila nagsugod sa pagpreparar sa mas masadya, manami kag matawhay nga selebrasyon sang nasambit nga event.
Sa deployment, yara ang presensiya sang Philippinew National Police, Philippine Coast Guard, Bureau of Fire Protection, Traffic Management Unit, pila ka mga departamento sa gobyerno probinsyal kag schools kun sa diin magabulig man sa pagmonitor sa palibot.
Dugang pa ni Atty. Artillero nga nakafull force ang tanan agud masiguro ang mas matawhay nga aktibidad subong nga tuig.
Balantayan man ang pila ka mga aktibidadis nga ginpreparar sang gobyerno probinsyal kasubong sang Maragtas Historical Parade, Surambaw Seafood Feast, Streat Party, Fireworks Display, Hangaway kag Lin-ay sang Capiz, Tagbuanay sang Maragtas, Binayle sa kalye, Balik Capiz kag madamo pa.
Gani panugyan ni Artillero nga sa tion sang selebrasyon sang Capiztahan 2024, sa magatambong sang amo nga aktibidad, amligan ang ikaayong lawas kag kun may ginabatyag na indi nalang pagpiliton pa sa pagguha pa agud malikawan ang anu man nga insidente tuga man sa mainit nga paniyepo.//
