Government employee, patay matapos bumunggo ang ginamaneho nga motorsiklo sa ginasundan nga salakyan sa Barangay Lawaan

ROXAS CITY – Patay ang 44 anyos nga government employee matapos bumunggo ang ginamaneho sini nga motorsiklo sa ginasundan nga salakyan sa Kilometer 2, Barangay Lawaan, Roxas City.

Ginkilala ang biktima kay George Mapa, residente sang Barangay 11, sining siyudad.

Sa interview sang Bombo Radyo kay Kenneth Buñi, 19 anyos sang Graceville Subdivision, Barangay Tiza, ginpahayag sini nga samtang nagamaneho siya sang iya salakyan, nag-preno ini bangud sa nag-untat nga salakyan sa iya unahan.

Apang kasunod sang iya pag-preno ang pagkabunggo sa iya salakyan sang motorsiklo nga nagasunod sa likod nga ginamaneho ni Mapa.

Gindala pa sa Capiz Doctor’s Hospital ang biktima apang gindeklarar nga dead on arrival.