Nagpaguha sang pahayag ang Philippine Council of Evangelical Churches nga nagpanawagan nga magsungka na ang nagapanago nga si Pastor Apollo Quiboloy sa mga otoridad.
Suno sa pahayag sang grupo nga ginpirmahan ni Bishop Noel Pantoja, bilang national director, nga kung tani atubangon ni Quiboloy ang mga naga-akusa sa iya kag pamatud-an ang iya argument sa baylo nga magpanago.
Dugang pa sang grupo nga wala nakabutang sa layi ang sin-o man nga indibidwal rason nga importante atubangon ang kaso sa matawhay nga pamaagi.
Kadungan sini, nagpanawagan man ang organisasyon sa Philippine National Police (PNP) nga irespeto ang kinamatarong sang isa ka indibidwal kag ipatuman sang intsakto ang layi.
Samtang, yara naman sa mga matag-as nga opisyal sang pungsod ginhinyo nila nga magahatag sang seguridad ang mga ini kag indi paggamiton ang sitwasyon para sa ila political agenda ukon personal nga interes.
Mahibaluan nga ang Philippine Council of Evangelical Churches, ang ginakabug-usan nga halos 80 nga grupo sa pungsod kag may yara sang 200 nga para-chuches nga kabahin sini.
Sa karun, nagapadayon pa ang pagserbi sang warrant of arrest batuk kay Quiboloy kag iban pa nga kaangay sini nga akusado sa Kingdom of Jesus Christ compound sa Buhangin, Davao City.
