Kumbensido ang Samahang Industriya ng Agrikultura nga ang lokal nga produksyon sang palay kag mais sa pungsod, maganami sa masunod nga tuig.
Suno sa grupo, nagalaum sila nga makakabawi na ang mga mangunguma sa pagsulod sang tuig 2025.
Una na nga ginpahayag sang Department of Agriculture, nga kadam-an sa mga lokal nga produksyon sang palay, nabudlayan sa karon matapos nga mag-igo ang El Niño kag asud-asod nga kalamidad sa pungsod.
Ektarya nga mga ulumhan sa pungsod ang ginpadapa sang mga bagyo nga nag-agi sa Pilipinas.
Suno sa grupo, posible nga maabot sang Pilipinas sa 2025 ang 20 million metric tons sa kabug-usan nga produksyon nga nadula bangud sa kalamidad.
Nanawagan man ang mga ini sa gobyerno para sa dugang nga pondo sa mga mangunguma kag mabalik ang ginpataw nga taripa sa bugas. Sa ini nga pamaagi, magagamay na ang pag-import sang bugas nga dako nga pagkalugi naman sa mga lokal nga mangunguma.
