ROXAS CITY – Dakup ang isa ka gun for hire matapos ang ginkasa nga buybust operation sang Criminal Investigastion and Detection Group (CIDG) sa Barangay Tanque Roxas City.
Ginkilala ang arestado kay Arnel Villareña, sa legal nga pang-edaron kag residente sang banwa sang Panitan.
Nakuha sa posesyon sang suspek ang 1 ka .45 calibre, 6 ka bala, 4 ka sachet sang ginapatihan shabu, P26,336 nga kuwarta kun sa diin P25,000 ang boodle money, sling bag kag coin purse.
Sa pakig-angut sang Bombo Radyo kay Villareña, gin-aku sini nga ginbayaran siya agud luthangon kuntani ang isa ka negosyante sa Sitio Bankiling, Brgy. Tiza, sini nga syudad apang wala sini nakit-an ang target rason nga ginluthang sini ang menor de edad nga yara sa terrace.
Mahibaluan nga ex-convict si Villareña kun sa diin nagserbe ini sa presuhan sang masobra 7 ka tuig sa kaso nga homicide.
Natalana nga pasakaan sang kaso nga RA 9165 ukon Comprehensive Dangerous Drugs Act of 2002 kag RA 10951 ukon “The Comprehensive Firearms and Ammunition Regulation Act.
Sa karon, nagapabilin ini sa paghinakup sang CIDG para sa nagakaigo nga disposisyon.
