-- ADVERTISEMENT --
891 nga mga Pilipino gikan sa Malaysia ang nakapauli na sa Mindanao.
Ang nasambit nga mga Pinoy ang nag-abot sa Zamboanga City Port kaupod ang mga bata, sakay sang MV Antonia 1 gikan sa Malaysia.
Ginsug-alaw ang mga ini sang mga tinawo sang Overseas Workers Welfare Administration (OWWA) Region-9 Office, kag sang nagkalain-lain nga ahensya sang gobyerno kun sa diin ginbuligan sila sa health check, dokumentasyon, kag temporaryo nga ilistaran.
Ginsiguro man sang OWWA ang padayon nga paghatag sa Pinoy deportees sang pinansyal kag pangabuhinan nga suporta para sa ila liwat pagsugod sang kabuhi.
