ROXAS CITY– Gindugukan sang linibo ka mga indibidwal ang pormal nga pagbukas sang christmas village sa banwa sang Panay, Capiz.
Ini ang tuigan nga ginahiwat sang lokal nga gobyerno sang banwa agud maghatag sang kalingawan kag ipabatiyag ang espiritu sang paskwa sa mga residente kag mga bisita sa lugar.
Kadamuan sa mga bisita ang naggikan pa sa mga magkatuhay nga banwa sa probinsiya kag probinsiya sang Iloilo agud magsaksi sa pagbukas sini bangud sa ginaangkon nga katahom sang lugar.
Magluwas sa mapawa nga lugar, nakaagaw man sang atensiyon ang daku nga belen nga yara sa tunga nga nagapakita sang pagkatawo ni Hesus.
Mahibaluan nga tempranu pa nga ginbuksan ini sang LGU sang banwa kun ikumparar sa mga nagliligad nga tuig bangud sa katuyuan nga makabulig sa mga vendors nga nagabaligya kada gab-i sa lugar.
