Nataban sang wala makilan-an nga mga persona ang mga hinuptan nga mga manok sang 2 ka mga kabalayan sa Barangay Dinginan, Roxas City.
Sa interview sang Bombo Radyo kay Mr. Rubin Javier, tag-iya sang balay ginpahayag nga natabo ang pagpangawat mga pasado ala-1 sang kaaganhon.
Dugang pa nga panaysayon sini, una nga ginpadulungan sang mga kawatan ang isa ka balay kag natigayon nga mataban ang 2 ka manok, masunod nga ginsulod sang mga ini ang puluy-an ni Javier kun sa diin natigayon nga mataban ang 5 sini ka mga hinuptan nga manok.
Sa pag-tyekyar sini nakita sini ang isa ka baka nga ginalahay sang mga ido, samtang sa ika-duka ka bes nga paglahay, natingala na ini kun ngaman nga wala ini nagauntat sa paglinahay. Apang sa pag-tyekyar nya na sa takna alas-5 sa aga, nakita na lamang sini nga wala na ang mga manok sa mga kulungan sang mga ini.
Samtang, may yara na nga ginalantaw si Javier nga person of interest sa natabo nga kinawatay.
Sa karon, ginpasangkad na sang barangay officials sang Dinginan ang pagpatrolya sa kagab-ihon kag nangin alerto naman ang mga pumuloyo sa nasambit nga barangay.
