Ginpamatukan ni Senator Risa Hontiveros ang hinyo ni Kingdom of Jesus Christ (KOJC) leader Apollo Quiboloy nga ibutang siya sa hospital arrests sa Davao City.
Punto sang senadora, seryoso nga mga krimen ang ginaatubang ni Quiboloy kasubong sang human trafficking, rape, kag child abuse rason nga dapat pantay ang trato sa mga akusado anuman ang ila estado ukon koneksyon sa kabuhi.
Ginpahayag pa ni Hontiveros nga wala dapat special treatment kay Quiboloy bangud ang hinyo sini nga hospital arrest sa Davao wala naman sa lugar.
Indi man suno kinahanglan mamili si Quiboloy kun sa diin siya ipriso bangud wala na siya sa sulod sang “King Dome” rason nga indi man siya dapat mag asta nga Diyos.// Nauna na nga ginpahayag ni Philippine National Police (PNP) Spokesperson Police Colonel Jean Fajardo nga naghinyo sa Pasig City Regional trial Court (RTC) branch 159 ang kampo ni Quiboloy kag isa pa kapareho sini nga si Ingrid Canada sang hospital arrest sa Davao.
