Ginpabakod sang Kamara ang Senate version sang hagna nga magatugot sa temporaryo nga pagsuspinde sang excise tax sa mga produktong petrolyo.
Katuyuan sini nga mabuhinan ang epekto sang pagtaas sang presyo sang gasolina, diesel, kag iban pa nga basic goods sa mga pumuluyo.
Suno kay House Majority Leader Ferdinand Alexander “Sandro” Marcos, ang nasambit nga proposal isa ka safety valve sa tion sang krisis kaangay sang subong nga sitwasyon sa Middle East, nga nagatuga sang pagsaka sang presyo sang langis kag iban pa nga nagapanguna nga kinahanglanon.
Sa idalum sang layi, mahimo nga kakson sang Presidente ang tubtob P10 kada litro sa gasolina kag P6 sa diesel pinaagi sa temporaryo nga suspensyon sang excise tax, sa partikular nga kondisyon.
Ang proposal ang nagabutang man sang duha ka mga trigger: kun ang presyo sang krudo sa Dubai maglab-ot sa $80 kada bariles sang nagligad nga bulan, ukon kon ang Presidente magdeklarar sang isa ka national emergency nga nagatuga sang daku nga pagtaas sang presyo sang petrolyo.
Suno naman kay House Speaker Faustino “Bojie” Dy III, ang nasambit nga proposal ang sabat sa nagapadayon nga krisis sa Middle East.
Ang validity sang suspension ukon reduction ang tubtub sa anum ka bulan magluwas kun palawigon pa ini.
