Aminado ang pila ka mamalidha nga medyo kulang na sa oras para maduso ang impeachment batuk kay Vice President Sara Duterte.
Ginpahayag ni Manila 3rd District Rep. Joel Chua nga nagahilapit na ang ila Christmas break kag pila na lamang ka adlaw ang nabilin sa sesyon sa plenaryo sang Kamara.
Samtang sa pagbalik sang sesyon sa Enero, mangin masako na ang mga Kongresista sa pagpreparar sa election campaign may kaangtanan sa pagahiwaton nga midterm elections sa pungsod sa Mayo 2025.
Ang duha ka impeachment complaint laban batuk VP Sara ang gin-file sadtong Lunes sang civil society groups kag mga religious leaders nga gin-indorso ni Kabayan Partylist Rep. Percie Cendaña samtang sang Miyerkules, nag-file man sang impeachment complaint ang masobra 70 ka grupo kalakip ang mga manunudlo kag estudyante nga gin-endorse naman sang Makabayan bloc sang Kamara.
Ginpahayag naman ni Bukidnon 2nd District Rep. Jonathan Keith Flores, Vice Chairman nga hugot ang timeline ukon plaso sa impeachment complaint kay VP Sara kun nga kun sa diin wala pa nare-refer sa House Committee on Justice.
Kun na-refer na sa nasambit nga panel, hatagan sini sang kahigayunan para madeterminar, ipaidalom sa ebalwasyon kun bastante ang mga basehan para imbestigaran ang Bise Presidente kag masabat sang komite sa sulod naman sang 10 ka adlaw nga timeline.
Nahibaluan pa nga sa campaign drive ukon pagkolekta sang pirma ang yara sa masobra 1 milyon ang plaso sang komite kun sa diin nagakinahanglan lamang sang 2/3 nga boto gikan sa mga mamalidha para maduso ang pagpahalin sa vice president sang pungsod.
