Nagpanawagan si House tourism committee vice chairman kag Palawan Representative Gil Acosta sang congressional review sa paggamit sang travel taxes nga ginakolekta halin sa mga Filipinos nga naga-travel sa luwas sang pungsod.
“Dapat natin balikan kung tama ba ‘yung nagamit. Kung saan nagamit at kung ano ang naging epekto sa tourism industry,” suno kay Acosta.
Pahayag niya, ang koleksyon sang travel tax kada tuig nagalab-ot sa P4 billion tubtob P5 billion, sa diin ini ang ginapahat-pahat sa Tourism Infrastructure and Enterprise Zone Authority (TIEZA), Commission on Higher Education (CHED), kag sa cultural sector.
Dugang pa sang natungdan, ang inquiry dapat nagasakop sang pre-pandemic kag post-pandemic periods agud nga madetermina kun bala naggasto sang insakto ang travel tax proceeds kag kun nagresulta ini sang maayo nga improvements para sa tourism sector.
