Gin-appoint sang International Criminal Court (ICC) Appeals Chamber si Judge Luz del Carmen Ibáñez Carranza agud magdumala sang jurisdictional appeal sang kampo ni anay Presidente Rodrigo Duterte.
Ang nasambit nga apelasyon ang may kaangtanan sa nauna nga desisyon sang Pre-Trial Chamber I sadtong Oktubre 23 kun sa diin ginbasura ang argumento sang kampo ni Duterte nga wala sang poder ang ICC sa pag-hearing sa iya.
Si Judge Ibáñez Carranza ang nagikan sa Peru kag isa sa mga veteran nga hukom sang ICC. Nag-alagad siya bilang Senior National Prosecutor sa iya pungsod kag nagtutok sa mga kaso sang terorismo, grave violations of human rights, and crimes against humanity.
Nahibaluan, una na nga ginbasura sang ICC Pre-Trial Chamber ang pahayag sang kampo ni Duterte nga sakop sang ICC ang war against humanity sang anay presidente.
Apang nag-apelar ang abogado ni Duterte kag gin-maintain nila nga wala sang hurisdiksyon ang ICC sa kaso ni Duterte.
Matandaan, ginbasura sang Pre-Trial Chamber ang hingyo sang kampo ni Duterte para sa temporaryo nga kahilwayan samtang ginahearing ang kaso.
