ROXAS CITY – Bladed weapon kag pila ka mga kagamitan kasubong sang ginbali nga toothbrush, kutsara, tinidor screw driver, DVD player kag iban pa ang nakumpiska sang mga personnel sang Capiz Rehabilitation Center sa ginpatigayon nga Oplan Galugad sa facilidad.
Sa interview sang Bombo Radyo kay Arjuna Yngcong, provincial jailwarden sang CRC, ginpahayag sini nga wala sang armas ukon droga nga nakumpiskar angmga personnel sang talatapan sa ila nga operasyon.
Aminado man ang opisyal nga may permiso sa iya ang paggamit sang DVD sang mga bilanggo sa ila nga selda apang hugot sini nga ginadumilian ang pagtan-aw sang mga x-rated films.
Samtang gin-ako ni Yngcong nga naglab-ot sa 150 ka mga inmates sang CRC ang nakagywa pinaagi sa Good Conduct Time Allowance (GCTA), apang ginpahayag sini nga indi heinous crimes ang kaso sang mga ini.
