Nagapabilin sa 1.7% ang inflation rate sang Pilipinas sang Oktubre, suno sa Philippine Statistics Authority (PSA).
Suno kay PSA Chief National Statistician Claire Dennis Mapa, pareho ini sa lebel nga narekord sang Setyembre, apang mas manubo sang sa 2.3% nga inflation sang Oktubre tuig 2024.
Ang mayor nga kabangdanan sang inflation amo ang pagtaas sang presyo sang gas, arkila sa balay, kag balayran sa kuryente.
Samtang nagahinay sa gihapon ang inflation sang bugas, nga may 17% nga inflation rate sang nagligad nga bulan.
Sa Metro Manila, nagtaas sang gamay ang inflation sa 2.9% gikan sa 2.7% sadtong Setyembre.
Ini bangud sa mas mahal nga balayran sa kuryente kag presyo sang pagkaon sa mga restaurant kag kapehan.
Sa guwa naman sang National Capital Region, nagnubo ang inflation sa 1.3% bangud sa pagnubo sang presyo sang pagkaon.
