Gindayaw ni Speaker Ferdinand Martin G. Romualdez si Presidente Ferdinand Marcos Jr. sa nangin tikang sini para sa rehabilitasyon sang Marawi City kalakip ang pagtatag sang Office of the Presidential Adviser for Marawi Rehabilitation and Development (OPAMRD) sa idalom sang Executive Order (EO) No. 78.
Suno kay Romualdez, ang pagtayo sang OPAMRD, isa ka importante nga tikang padulong sa liwat nga pagbangon sang Marawi kag sa pagsiguro nga maipatuman ang mga programa para sa mga apektado nga residente sang syudad.
Kadungan sini, gintalupangod sang pinuno sang Kamara de Representantes ang mga tikang nga ginahiwat sang kapulungan sini agud mapadasig ang rehabilitasyon sang Marawi City halin sa kahalitan nga tuga sang 2017 Marawi siege, kalakip na ang tuigan nga alokasyon sa pampungsudnon nga badyet sang indi magnubo sa P1 bilyon para sa nagkalain-lain nga proyekto kag programa.
Pahayag ni Speaker Romualdez na ang mga pagpaninguha ni Presidente Marcos ang nagapaidalom sa matindi nga dedikasyon sang administrasyon nga lutason ang mga madugay na nga isyu nga nagapahinay sa tayuyon nga pagbangon sang Marawi City kag mga kalapit sini nga komunidad.
Suno sa lider sang Kamara ang pagtukod sang OPAMRD ang isa ka tikang agud masiguro nga ang mga pagpaninguha para sa pagbangon kag rehabilitasyon sang Marawi, indi lamang mapabaskog kundi mapadasig kag mas mangin maayos.
Ginpunto sini nga sa bahin sang Kamara, ang ginsiguro nga halin sa sumugod sang rehabilitasyon sang Marawi, may bastante nga pondo kag may mga nakatalana nga mekanismo sang pangangasiwa kag pagsubaybay.
Dugang pa ni Speaker Romualdez nga apisar may mga pag-usad na, padayon sa gihapon ang mga hamon, kalakip na ang pagka-delay sa mga nagapanguna nga proyekto nga pang-imprastruktura, paghatag sang permanente nga pabahay, kag pagbalik sang mga pangabuhianan.
Suno sa iya, ang pagbuo sang OPAMRD ang nagatuyo nga tugunan ang mga isyu nga ini pinaagi sa paghimo sang isa ka centralize authority nga mag-ulupdanay nga mga tikang sang gobyerno kag ginsiguro nga ang tanan nga mga programa, nakaayon sa kinahanglanon sang mga apektado nga komunidad.
Ginganyat man sang pinuno sang Kamara ang pagpakigbahin sang mga lokal nga stakeholder, pribado nga sektor, kag civil society, nga suno sa iya, importante sa mangin madinalag-on sang OPAMRD.
Ginhayag man ni Speaker Romualdez nga ang Mababang Kapulungan ang magahatag sang mga kinahanglanon nga pondo kag magapasa sang mga nagakaigo nga layi agud pabaskugon ang mga tikang sang OPAMRD.
Magapakig-angut man suno ini sa Executive branch kag pamunuan sang BARMM agud matiyak nga ang programa sa rehabilitasyon ang makasabat sa mga kinahanglanon sang mga pumuluyo sang Marawi.
