Isa ka armas luthang boluntaryo nga ginsungka sang isa ka Punong Barangay

ROXAS CITY -Boluntaryo nga ginsungka sang Punong Barangay sang Barangay Malagab-I, Cuatero, Capiz isa ka armas-luthang sa Cuartero Municipal Police Station.

Suno sa Cuartero Municipal Police Station boluntaryo nga ginsungka ni Punong Barangay Allan Inocencio ang isa unit sang homemade 12-gauge shotgun nga may yara sang isa ka bala.

Sa karun yara na sa kustodiya sang mga kapulisan ang nasambit nga arma-luthang kag natalana nga i-turn over sa Capiz Police Provincial Office ukon CPPO.