Patay na sang nasapwan ang isa ka 57-anyos nga kabulig matapos gin-alegar ginkuga kag gin-abusuhan sang isa ka lalaki nga nagsulod sa iya balay sa Quezon City.
Nagaguha sa imbestigasyon sang kapulisan nga bag-o lang nagsulod sa trabaho ang biktima kag ginapangita ang iya bedridden nga abyan. Sang wala na nagsabat ang biktima, nagtawag naman ang boss sang isa pa ka kabulig, kag didto natukiban ang krimen.
Ginkawat sang suspek ang mga alahas sang ila amo.
Base sa CCTV footage, makit-an nga nagasuksok sang puti nga t-shirt ang suspek kag nagalakat padulong sa balay.
Pagligad sang mga isa ka oras, naglakat ang suspek matapos mag-ilis sang bayo kag bitbit ang sling bag.
Nadakpan ang 25 anyos nga lalaki nga suspek sa Tondo, Manila sini nga Martes sa follow-up operation sang kapulisan.
Narekober sa iya ang wala sang lisensya nga pusil nga puno sang bala.
Base sa record sang kapulisan, ini na ang ika-anum nga kahigayunan nga nadakpan ang suspek nga una na nga ginpasakaan sang kaso nga sugal kag pagpangawat.
Natalana naman nga i-turn-over sang La Loma Police sa Criminal Investigation and Detection Unit sang QCPD sa Camp Karingal nga magapangatubang sang reklamo nga robbery, rape with homicide kag paglapas sa Comprehensive Firearms and Ammunition Regulation Act.
