Isa ang ginreport nga napatay, isa ang missing, samtang isa naman ka mangingisda ang narescue matapos nga naglugdang ang sakayan nga ila ginsakyan sa kadagatan sang Caramoan, Camarines Sur.
Sa interview sang Bombo Radyo Naga sa PCPT. Jennifer Kristine Galang, Acting Chief of Police sang Caramoan MPS, naglayag ang mga mangingisda halin sa San Andres, Catanduanes.
Bangod sang mabaskog nga ulan kag balod, nagkulob ang sakayan pandagat.
Sa karon yara na sa Barangay Gogon, Caramoan, Camarines Sur ang napatay kag ang survivor.
Apang nagapabilin nga pagpanghangkat sa mga otoridad ang rescue sang survivor kag ang pagkuha sang bangkay sang biktima bangud sa mabaskog nga balod.
Nakuha na sang mga opisyal sang Gogon ang bangkay sang napatay, samtang padayon ang operasyon sang mga otoridad agud maluwas ang isa pa ka nadula nga persona.
Halin kahapon tubtub subong nga adlaw, may mabaskog nga ulan kag mataas ang lebel sang kadagatan. Nagpaguwa man sang “No Sailing Policy” ang Philippine Coast Guard, apang ginapatihan nga wala ini nakahibalo ang mga mangingisda bangud taga-Catanduanes ang mga ini.
Sa subong, ginapatigayon ang search and rescue operation kaupod ang MDRRMO kag LGU sang Caramoan.
Nagpanugyan man si Galang sa mga mangingisda nga unahon ang kaluwasan kag padayon nga bantayan ang kondisyon sang panahon antes maglayag.
