Isa patay, Apat pilason sa pagbunggu-anay sang salakyan kag truck

Isa ang patay samtang apat ang pilason sang bumunggo ang salakyan nga ginasakyan sang mga biktima sa likod sang truck nga ila ginasundan sa Cabanatuan City.

Suno sa report nagluntad ang insidente sa Maharlika Highway sa Barangay H. Concepcion sang nasambit nga syudad sang kaagahon sang Nobyembre 23.

Suno sa kapulisan, papuli na kuntani ang mga biktima sa San Leonardo sang bumunggo ini sa likod sang isa ka truck.

Bangud sa mabaskog nga impact, naguba ang unahan sa salakyan.

Wala pa sang pahayag ang mga nakalampuwas nga biktima, apang suno sa kapulisan, ginhilway na nila ang driver sang truck bangud wala pa sang kaso nga ginpasaka batuk sa iya.