Nagtimalos sa sunod-sunog nga airstrikes ang Israel sa pila ka mga lugar sa Lebanon nga nag-utas sang kabuhi sang anum katawo, matapos liwat magsugod sang magbayluhanay sang lupok sa mga militante nga grupo nga Hezbollah.
Suno sa Israeli military nagpalupok suno sang anom ka rocket ang Hezbollah sa Metula, Israel, malapit sa border sang Lebanon kun sa diin tatlo sa mga ini ang na-intercept nila.
Ginreport pa sang Israeli military ang ginhiwat nga airstrike ang nagpaguba sa mga command centers kag rocket launchers sang Hezbollah sa Lebanon.
Una na nga ginmandu ni Israeli Prime Minister Benjamin Netanyahu nga magpatuman ini sang tuman nga tikang batuk sa Lebanon, kun sa diin nakabase ang Iran-backed nga grupo nga Hezbollah.
Samtang ang ginhiwat nga airstrike sa Lebanon ang nagtuga naman sang mga paandam sa posible nga mauntat ang ceasefire.
