Naatubang sa posible sexual harassment charges ang isa ka Japanese fan matapos halukan sang wala consent ang oldest member sang sikat nga South Korean boy band nga BTS nga si Kim Seok-jin sa isa ka fan event sadtong nakaligad nga tuig, suno sa South Korean authorities.
Suno sa SoKor police sa Songpa station sa Seoul, ginpa-summon ang nasambit nga Japanese national para sa questioning kasunod sang nabaton nila nga online complaint.
Wala na ginpaguha pa sang police station ang pagkakilanlan sang nasambit nga Japanese national bangud sa privacy concerns apang base sa media reports, nakumpirma na sang kapulisan ang identity sang babaye sa bulig sang Japanese police kun sa diin yara sa edad nga 50-anyos ini, kag nagapamalibad nga mag-atubang sa questioning.
Sa pihak sini, nagpatigayon na sang imbestigasyon ang South Korean Police sa nasambit nga reklamo kag nagapamalibad nga maghatag sang dugang nga detalye samtang nagapadayon pa ang imbetigasyon.
