Nakumpleto na ang yara sa 110,620 nga mga Automated Counting Machines (ACMs) sa COMELEC Warehouse sa Biñan, Laguna. Yara sa 9,860 ACMs ang na-deliver para sa ulihi nga batch.
Ginpangunahan ni COMELEC Chairman George Erwin Garcia kag Miru Systems Vice President Mr. Ken Cho ang nasambit nga turnover sang mga machines.
Suno kay COMELEC Chairman George Erwin Garcia, ginahiwat na sa karon ang Hardware Acceptance Test (HAT) sa mga machines agud gilayon nga makita ang mga problema pag-abot sa mismo nga makina ukon feature sang ACM nga kinahanglan iresolba. Ini man ang kaayuhan sang mas timprano nga pag-kumpleto sa mga nasambit nga machines, mas nausisa ini sang komisyon.
Sa karon, wala pa sang dalagko nga problema ang komisyon pag-abot sa machine testing.
Pagsiguro sang komisyon nga target matapos ang tanan nga testing bag-o matapos ang Disyembre.
Ginpahayag man ni Miru Systems Vice President Mr. Ken Cho ang salig sang kumpanya nga mag-supply sang machines para sa Eleksyon 2025 bangud nakitaan niya ang pungsod sang sistematiko kag organisado para sa halalan sa masunod nga tuig.
Ang Miru Systems ang service provider para sa Eleksyon 2025.
