Kagawad sang Barangay Sibaguan, ginklaro nga wala nakabaton sang ayuda sa idalom sang SAP ang iya nga asawa 

ROXAS CITY -Ginklaro sang barangay kawagad sang Barangay Sibaguan, Roxas City nga wala nakabaton sang P6,000 nga ayuda sa idalom sang Social Amelioration Program (SAP) ang iya asawa kabaliskaran sa alegasyon sang anay konsehal sang ila barangay.

Suno kay Barangay Kawagad Fredelito Alvarez, wala sang kamatuoran ang alegasyon nga nakabaton ang tiayon sini sang nasambit nga bulig-pinansyal.

Suno kay Alvarez nga indi sini luyag nga masamad ang ila pangalan sa gamay gid lamang nga kantidad rason nga ginpakamaayo sini nga magpaathag.

Matandaan nga kalakip si Alvarez sa 3 ka mga barangay kagawad sang nasambit nga barangay nga ginreklamo matapos ginaalegar nakabaton sang ayuda ang ila mga asawa.