ROXAS CITY- Nagdangat sa P70,000 ang nangin kahalitan sa nagluntad nga sunog sa Barangay Banica Roxas City.
Ang amo nga puluy-an ang ginpanag-iyahan sanday Rhona Rull, Rolando Rull Sr. kag Angelica Rull Dela Cruz lunsay mga maghimata.
Sa interview sang Bombo Radyo kay SFO1 Reynold Agda, imbestigador sang BFP Roxas City sang Roxas City fire station, ginpahayag nga base sa imbestigasyon nagikan ang kalayo sa dirty kitchen nga ginapanag-iyahan ni Rona Rull kun sa diin nagluto pa ini sang kaaganhon tubtob nga naglakat ini takna alas- 6 sang aga.
Bangud human sa light materials ang amu nga puluy-an, madasig nga naglapta ang kalayo kag naulamid ang duha pa ka mga puluy-an.
Matandaan nga ginpadulongan sang 7 tanan ka mga firetruck ang lugar apang sa ila pag-abot ubos na tupok sang kalayo ang amo nga mga puluy-an.
Sa subong padayon pa ang imbestigasyon sang mga katapo sang bumbero sa gintunaan sang amo nga sunog.
