-- ADVERTISEMENT --
Naglab-ot sa ₱117,000 ang balor sang kahalitan sang sunog nga nagluntad sa isa ka puluy-an sa Sitio Pamumbungan, Barangay Milibili, Roxas City.
Sa interview sang Bombo Radyo kay Senior Fire Officer 1 Junemar Galve, Chief sang Public Information Section sang Bureau of Fire Protection (BFP) Roxas City, iya ginpahayag nga naghalin ang kalayo sa iduha nga panalgan kag nagbulin sang partially burned sa nasambit nga puluy-an.
Suno kay Galve, wala naman sang may narecord nga casualty amo nga insidente.
Ginpahanumdoman man sini ang publiko nga antes maghalin sa panimalay, siguruhon nga naka-off kag naka-unplug ang mga electrical appliances agud malikawan ang posible nga sunog.
