Kampo ni Curlee Discaya, nag-file sang mosyon agud makagwa sa kustodiya sang Senado

Nagasumiter ang kampo sang kontraktor nga si Curlee Discaya sang petition para sa habeas corpus agud mapagwa siya sa kustodiya sang Senado.

Suno kay Atty. Cornelio Samaniego III, abogado ni Discaya, nagpabilin si Discaya sa Senate detention facility sukad nga siya gin-cite for contempt sang Senate blue ribbon committee hearing sang Setyembre 18.

Ang petisyon ginpasa sa Pasay City Regional Trial Court Branch 298.

Dugang pa sang abogado, ang tuyo sang writ of habeas corpus amo ang pagpangayo sang klaripikasyon sa Blue Ribbon Committee kun ngaa dugay na sa kustodiya nila si Discaya kag kun legal bala ini ukon indi.