ROXAS CITY – Ginsaysay kag gin-isa-isa sang katapo sang Bureau of Fire (BFP) Roxas ang mga pagsulundan kag proseso sa pagkuha sang mga certificates kag clearances.
Sa interview sang Bombo Radyo kanday SFO1 Junemar Galve, FO3 Dan Louie Flores, kag FO1 Zergigh Patricio, ginpahibalo sang mga ini sa mga naga-apply sang business permits may yara na sang bag-o nga sistema indi lamang sa syudad sang roxas kundi sa bug-os nga pungsod.
Pinaagi sa Fire Safety Inspection System (FSIS), agud mapadasig kag mapahupos ang pagproseso sa pagkuha sang business permit.
Sa mga luyag magkuha sang permit yari ang kinahanglan nga sundon;
1. Kinahanglan lamang nga mag-REGISTER pinaagi sa pagbisita sang fsis.e-bfp.com agud makahimo sang account.
2. APPLY, pinaagi sa pagfill-out sang mga kinahanglan kag importante nga impormasyon.
3. PAYMENT, ang ahensya maga-tsekyar sang validity ukon form sang application antes makadiritso sa payment.
4. EVALUATION/INSPECTION, kinahanglan man nga i-designate ang Plan Evaluation/Fire Safety Inspector kag;
5.RELEASING, mahimo na diri malantaw, ma-download, kag maprint ang clearances kag resibo pinaagi sa pag-click sang “ACCESS FULL DETAILS”.
