Preparado na ang katapo sang Panay PNP, para sa nagahilapit nga Simbang Gabi ukon Misa Dulom.
Ini ang ginkumpirmar ni PCPT Ronal Ton-ogan, Officer-In-Charge sang Panay MPS sang mainterview sang Bombo Radyo Roxas.
Suno kay PCPT Ton-ogan, may yara sang mga kapulisan nga ipahamtang sa tagsa ka mga simbahan agud magbantay kag magpabilin sang kalinong kag katawhay sa mga tumuluo.
Mahibaluan nga magasugod na ang simbang gabi sa Disyembre 16 kag magatakop naman sa Disyembre 25.
Suno kay Ton-ogan, indi lamang tubtob matapos ang simbang gabi ang ila pagbantay sa mga simbahan bangud pati man sa pagsaulog sang bag-ong tuig magabantay man sa gihapon ang pwersa sang mga kapulisan.
Bangud sini, panugyan ni Ton-ogan, siguruhon nga nakasarado ang mga pirtahan, bintana kag gate subong man i-doble check ang mga salakyan, gasul kag mangin ang main switch sang kuryente agud malikawan ang mga posible nga magluntad nga mga insidente.
