Nagnubo sa pinakamanubo nga lebel ang interest rates sa pungsod humalin sang Agosto 2022 matapos nga ginbuhinan ini liwat sang Bangko Sentral ng Pilipinas (BSP) sang 25 basis points.
Ini na ang ika-anum nga sunod-sunod nga tion nga nagpatuman sang pagbuhin sang interest rate ang Monetary Board sang BSP bilang kabahin sang ila nagapadayon nga policy easing cycle.
Bangud sa panibag-o nga pagbuhin, ang target nga reverse repurchase rate yara na subong sa 4.25%, ang overnight deposit rate yara na sa 3.75%, kag ang overnight lending rate yara na sa 4.75%.
Suno kay BSP Governor Eli Remolona Jr., ginhimo ang tikang bangud nagapabilin nga kontrolado ang kabug-usan nga paghulag sang presyo sang mga balaklon sa pungsod, sa pihak sang ginalauman nga gamay nga pagtaas bangud sa supply issues.
Samtang, nagasalig naman ang opisyal nga mapabilin ang economic stability sa masunod nga mga tinuig.
