ROXAS CITY – Dako ang gintaas sang kita sang Roxas City Integrated Transport Terminal (RCITT) sadtong 2024 kung ikumparar sadtong 2023.
Ini ang ginpahayag sang administrador sang terminal nga si Mr. Victor Arcenas sang mainterview sang Bombo Radyo.
Suno kay Arcenas, base sa ila datos naglab-ot sa P9.9-M ang napagkit nga kita sa tuig 2024 kung sa diin mas dako kung ikumparar sadtong 2023 nga may yara lamang sa kapin P4-M.
Ini man bangud sa pagpanikasog kag pagtimakas sang mga empleyado sang iya talatapan kung sa diin ginsiling sini nga wala naganubo sa P1-M ang ila kita kada bulan.
Mahibaluan nga sa karun may yara ini sang 26 tanan ka mga empleyado kung sa diin 22 diri ang casual kag 4 naman ang regular.
Bangud sini, ginpakamaayo sang administrador nga ipalapit sa talatapan ni Roxas City Mayor Ronnie Dadivas ang may kaangtanan sa paghatag sang dugang nga sweldo sa mga empleyado.
Ginpahayag man ni Arcenas nga sa ila paghinun-anon sang alkalde, natalana nga ire-design ang amu nga terminal para sa mas maanyag kag maayo nga imahe sa tanan nga nagasulod sa probinsya sang Capiz.
