Klase sa Pre-school tubtob Senior Highschool (Private and Public) sa bilog nga probinsya sang Capiz, Suspendido

Roxas City– Suspendido ang klase sa Pre-School tubtob Senior Highschool (Private and Public) sa bilog nga probinsya sang Capiz.

Sa interview sang Bombo Radyo kay Provincial Administrator Dr. Edwin Monares, ginpabutyag sini nga bangud sa mamunog nga pag-ulan sa bilog nga probinsya sang Capiz dala sang Tropical Storm Falcon, nadesisyonan ni Governor Esteban Evan “Nonoy” Contreras nga i-suspend ang klase buwas nga adlaw, Hulyo 17, 2019 sa PRE-SCHOOL tubtob SENIOR HIGHSCHOOL sa bilog nga probinsya sang Capiz.

Tinutuyo sang temprano nga deklarasyon agud indi na ma alangan ukon mabutang sa katalagman ang mga kabataan sa ila pagpadulong sa eskwelahan bangud sa posibilidad sang pagbaha sa pila ka mga lugar.