Naka-record ang Korte Suprema sang letter-petition nga nagahingyo sa korte nga i-reconsider ukon tun-an ang ruling sini nga nagadeklarar nga unconstitutional ang impeachment complaint batok kay Vice President Sara Duterte.
Sa isa ka notice nga napetsahan Agosto 12, ang SC En Banc nagdesisyon nga isulat ukon irekord ang nasambit nga letter-petition nga napetsahan Agosto 5, 2025. Base sa notice, ini ginpirmahan sang nagkalainlain nga mga indibidwal, nga nagapabutyag sang ila mabaskog nga pagpamatok sa desisyon sang Korte.
Ginhingyo man nila sa Korte Suprema nga maghiwat sang oral arguments angut sa nasambit nga bagay.
Madumduman nga sadtong Hulyo, gindeklarar sang Korte Suprema nga unconstitutional ang mga articles of impeachment batuk sa Bise Presidente.
Kon sa diin naglapas ini sa “one year bar rule” ukon sa mando sang konstitusyon nga isa lang ka impeachment complaint ang sarang mapasaka batuk sa isa ka opisyal sa sulod sang isa ka tuig.
Apang gin-athag man sang Korte Suprema nga wala sini gina-abswelto ang Bise Presidente sa mga reklamo batuk sa iya.
