Gin-ako ni Administrator Nathaniel Servando sang Pagasa nga posible ang mga pag-ulan nga nagreulta sang pagbaha sa Bicol region kag iban pa nga bahin sang pungsod bangud sa bagyong Kristine ang mangin senyales sang padayon kag malawig pa nga pag-inulan.
Suno kay Servando, mahimo nga mag-trigger ini para sa amat-amat nga pagbaskog sang La Niña.
Ang La Niña phenomenon, ang kabaliktaran sang El Niño nga nagadala sang kakulangan sang tubig sadtong dry season bangud sini baha ang mangin resulta sang weather phenomenon.
Samtang, gilayon naman nga ginklaro sang pamunuan sang ahensya nga ang nagalapta nga impormasyon kung sa diin ginapahayag nga tatlo ka bulan nga pag-inulan ang dala sang nasambit nga bagyo apisar nga dako ang volume sang ulan indi accurate nga i-anggid ang tatlo ka bulan nga sukatan sang pag-inulan para sa sulod sang isa ka adlaw.
Sa ila pagbulubanta, halos duha ka bulan nga sukat sang tubig ang na-eksperyensyahan para sa sulod lamang sang malip-ot nga panahon.
Indi man suno diri kinahanglan nga magbiya sa matuod nga data agud lamang ilaragway ang kalaparon sang halit dala sang padayon nga pag-inulan.
