-- ADVERTISEMENT --
Arestado ang isa ka lalaki matapos nagpangawat sa Barangay I, Roxas City.
Ang biktima amo si alyas Jessie 38-anyos kag suspek amo si alyas si Rafael, 30 anyos, kag residente man sang amo nga lugar.
Sandig sa impormasyon nga nakuha sang Bombo Radyo sa Roxas Component City Police Station, nadakpan sang biktima sa akto nga ginakawat ang mountain bike nga nagabalor sang P80,000.
Nagtinguha pa nga malagyo ang suspek apang nadakpan man ini sang mga otoridad.
Sa subong, yara na sa paghinakop sang Roxas Component City Police Station ang suspek para sa nagakaigo nga disposisyon.
