SIGMA CAPIZ – Dakop ang ang isa ka lalaki, matapos ginapahayag nga nagpangawat sa Barangay Parian, Sigma, Capiz.
Ginkilala ang ginkawatan nga si alyas “Loren”, 38-anyos residente sang nasambit nga lugar samtang ang ginatudlo suspek ang ginkilala kay alyas “Edgar”, 24-anyos kag residente naman sang Barangay Quinayoya, Dao, Capiz.
Sa interview sang Bombo Radyo sa hepe sang Sigma Municipal Police Station nga si PCapt. Mark Garcia, ginpahayag sini nga personal nga nagpadulong sa ila talatapan ang biktima agud magparecord nga nabiktima ini sang makawat.
Suno kay Garcia nga ginpahayag pa sang biktima nga matapos magpangawat ang suspek nahimo pa sini nga magpahuway sa isa ka kalan-an.
Gilayon naman nila nga ginrespondehan kag ginpadulungan ang lugar kag didto nadakpan sa akto ang suspetsado nga bitbit pa sini ang sako nga naga-unod sang lima ka mga native nga mga manok nga ginabulubanta nagabalor sa kapin P2,000.
Ginkumpirmar man sang biktima nga ang nasambit nga manok ang iya tanan ginapanag-iyahan.
Sa karon, yara na sa kustodiya sang Sigma MPS ang nadakpan para sa nagakaigo nga disposisyon.
