Dakop ang isa ka lalaki matapos ang ginkasa nga buy bust operation sa Barangay Agambulong, Jamindan, Capiz
Ginkilala ang nadakpan kay Alias Nonoy, kag residente sang nasambit nga lugar.
Sa impormasyon nga nakuha sang Bombo Radyo nagikan sa Jamindan PNP, dakop sa akto nga nagabaligya sang indi lisensyado nga armas luthang si Alyas nonoy kag natigayon nga madakpan pinaagi sa pulis nga nagpakuno-kuno poseur buyer.
Nakuha sa paghinakop sini ang ka isa ka unit sang 38 revolver kag tatlo ka mga bala, kapin 2,000 pesos nga balor sang kwarta sa magkalain lain nga denominasyon.
Magapangatubang sang kaso nga paglapas sa Republic Act 10591 ukon Comprehensive Firearms and Ammunition Regulation Act ang nasambit nga persona.
Sa karun yara na ini sa kustodiya sang Jamindan PNP, para sa nagakaigo nga disposisyon.
