Lalaki nga ginaalegar masami nagapanghangkat sang away, patay matapos ginlabo sang iya tupad balay

Patay ang isa ka lalaki nga ginaalegar masami nagapanghangkat sang away kag nagapamahog matapos ginlabo sang iya tupad balay sa Moalboal, Cebu.

Sa initial nga impormasyon, may yara sang daan nga hiligut-anon ang magkasilingan nga biktima kag suspek sa Barangay Tomonoy.

Suno sa mga otoridad, nag-umpisa ang away sang duha sang Abril matapos ginkaon sang mga kanding sang biktima ang mga pananom sang suspek.

Sa baylo nga magpangayo sang pasaylo, ginapahayag naakig pa ang biktima kag makapila ka beses nga ginhangkat sang away ang suspek.

Magluwas sini, ginapahayag nga nagpaandam pa ang biktima nga patyon sini ang suspek.