Hugot nga ginpanginwala sang isa ka lalaki nga ginpasibangdan nga amo ang may kahimuan sa pagpanghalit sa Barangay Hall sang Barangay Lonoy sadtong nakaligad nga paskwa.
Matandaan nga gintumod ang amo nga persona nga ginkilala kay Jose Ureta, residente man sang amo nga Barangay.
Sa interview sang Bombo Radyo kay Jose Ureta, ginpahayag nga natabo ang insidente adlaw mismo sang paskwa kag yara ini siya sa ila panimalay.
Pahayag pa sini, nga makaligad ang 2 ka adlaw matapos ang panghitabo wala ini nagalaum nga siya ang ginasuspetsahan sang mga barangay officials nga amo ang may kahimuon sa pagpangguba sang mga kaang sang bulak kag pagbasya sang pinta sa bintana sang amo nga barangay hall.
Suno pa kay Ureta nga yara malang ini sa ila panimalay kag nakikita man ini sang iban nga mga barangay officials apang wala man lang sang nagpalapit sa iya agud nga komprontahon siya sa paghitabo kun matuod nga siya gid man ang may kahimuan.
Ang ginalainan lang sang iya nga buot nga ginderitsu sini waragwag sa media ang iya pangalan nga wala man lang siya ginpatawag sa barangay kag sa mga tawo lang ini sa palibot nag-usisa.
Dugang pa sini nga ginaklaro ni Ureta ang pag-angut sang iya pagkadrug surendere sadtong nakaligad pa nga mga tinuig bangud na clear na sini ang iya pangalan matapos nga nagpa-idalom sa drug test.
Samtang, nagapati naman sini nga ang rason sang pagpanibangud sang barangay officials sa iya ang may kaangtanan sa iya reklamo kag concern sa wala pagbaton sang mga ayuda nga ginapanagtag sa barangay.
Gani, ginpakamaayo sini nga sabton ang alegasyon batuk sa iya agud maklaro sini ang iya nga pangalan.
